काठमाडौं । नेपालकी एरिका गुरूङ विश्व कराते च्याम्पियनसिपको राउन्ड अफ सिक्सटिनबाट बाहिरिएकी छन्।
प्रतियोगिताको अन्तिम १६ को खेलमा एरिका अन्तिम समयमा २-१ ले अघि थिइन्। तर उनले अन्तिम समयमा लगातार पाँच वटा वार्निङ पाएको कारण उनी क्वार्टरफाइनलमा प्रवेश गर्न सकिनन्। खेलको एक मिनेट बाँकी रहँदा खेलमा उनी २-० ले अघि थिइन्।
घरेलु समर्थकको साथ पाएकी इजिप्टियन खेलाडीले त्यसपछि एक अंक जोडे पनि एरिका २-१ ले अघि थिइन्। तर १३ सकेन्ड बाँकी रहँदा उनले हान्सोकु ब्यहोरेकी थिइन्। यससँगै उनी अघिल्ला खेलका लागि डिसक्वालिफाई भएकी हुन्। यससँगै कुमुतेमा नेपालको यात्रामा पूर्णविराम लागेको छ।
शुक्रबार नै भएको लिग चरणको खेलमा उत्कृष्ट १६ खेलाडीभित्र परेपछि एरिकाले नकआउट चरणमा स्थान बनाएकी थिइन्। यता नेपाल कराते महासंघका अध्यक्ष युवराज लामाले १३ सेकेन्ड बाँकी हुँदा एरिकालाई हान्सुक दिनु रेफ्रीको गम्भीर गल्ती भएको बताएका छन्।
.png&w=400&height=300)
