काठमाडौं । नेपाल प्रिमियर लिग (एनपीएल) मा चितवन राइनोजले जनकपुर बोल्ट्सलाई १८१ रनको लक्ष्य दिएको छ । टस जितेर पहिले ब्याटिङ गरेको चितवनले निर्धारित २० ओभरमा ५ विकेटको क्षतिमा १८० रन बनायो ।
चितवनका लागि कप्तान कुशल मल्लले अर्धशतक बनाए । उनले ४१ बलमा ७२ रनको विस्फोटक पारी खेले । उनको पारीमा तीन चौका र सात छक्का सामेल थियो ।
यस्तै रवि बोपाराले ४४ रन बनाउँदा हसन इसाखिलले २८ र सन्तोष कार्कीले १४ रन बनाए ।
जनकपुरका लागि बलिङतर्फ ललित राजवंशीले दुई विकेट लिए । उनले चार ओभरमा ११ रन दिएर दुई विकेट लिए । हर्ष थाकर, मोहम्मद मोहसिन र जेम्स नीशमले समान एक विकेट लिए ।
जनकपुरले अब जितका लागि १२० बलमा १८१ रन बनाउन पर्नेछ ।
जनकपुर यसअघि नै प्लेअफमा पुगिसकेको छ । आज जित हात पारे क्वालिफायर्समा स्थान बनाउने छ । चितवनका लागि भने शीर्ष चारमा पुग्ने सम्भावना कायमै राख्न जित्नै पर्ने दबाब छ ।
