काठमाडौं । क्रिस्टियानो रोनाल्डोको नेतृत्वमा रहेको अल नासारले साउदी प्रो लिगमा सिजनको पहिलो हार बेहोरेको छ । पियरे इम्रिके अबोमयाङको टोली अल काद्जियाले नासारलाई दुई एक गोलले पराजित गरेको हो ।
रियादमा भएको खेलमा नासारले सुरुवाती अग्रता जोगाउन सकेन । ३२ औं मिनेटमा रोनाल्डोले गोल पिकरको गल्तीको फाइदा उठाउँदै नासारका लागि गोल गरेका थिए । लिगमा उनको छैठौँ र सबै प्रतिस्पर्धामा गरी सिजनको यो दशौं गोल हो । तर ३७ औं मिनेटमा मेक्सिकोका युलियन क्विनोनेसले गोल गरेपछि खेल एक एकको बराबरीमा पुगेको थियो ।
५० औँ मिनेटमा अबोमयाङले गोल गरे र नासार स्तब्ध भयो । यो जितपछि काद्जियाले तेस्रो स्थानमा रहेको नासारसँग अंक बराबरी गरेको छ। नासारको एघार खेलबाट २२ अंक छ । तर गोल अन्तरका आधारमा पछि रहेको काद्जिया पाँचौं स्थानमा यथावत छ । चौथो स्थानको अल साहबाबको पनि २२ अंक नै छ ।
शीर्ष स्थानमा रहेको अल हिलालको २८ र दोस्रो स्थानको अल इत्तिहादको २७ अंक छ । दुवैले एक खेल कम खेलेका छन् ।
