काठमाडौं । एएफसी यू-२० एसियन कप छनोट अन्तर्गत समूह चरणको आफ्नो अन्तिम खेलमा नेपालले आज बहराइनको सामना गर्दैछ ।
न्यु ताइपेइ सिटी स्थित, फु जेन क्याथोलिक युनिर्भसिटी स्टेडियममा अहिले खेल जारी छ । दोस्रो जितको खोजिमा रहेका दुबै टिमलाई एसिया कपमा छनोट हुन जित्नै पर्ने दबाब छ । यो समाचार तयार पार्दासम्म १९ मिनेटको खेल हुँदा अहिलेसम्म दुबै टोलीले गोल गर्न सकेका छैनन् ।
उर्जन श्रेष्ठको टोली पहिलो खेलमा कम्बोडियासँग ४-१ ले पराजित भएको थियो । दोस्रो खेलमा समिर तामाङले हृयाट्रिक गरेपछि चाइनिज ताईपेलाई ३-१ ले पराजित गरेको नेपालले तेस्रो खेलमा उज्वेकिस्तानसँग ६-० को फराकिलो अन्तरले पराजित भएको थियो ।
बहराइनले पहिलो खेलमा चाइनिज ताईपेलाई १-० ले हराउँदा कम्बोडियासँग पराजित भएको थियो ।
समूह 'बी' को चौंथो स्थानमा रहेको नेपालको ३ खेलमा ३ अंक छ । बहराइनले दुई खेल खेल्दा ३ अंक जोडेको छ । उ तालिकाको तेस्रो स्थानमा छ । सुरुवाती २ खेल जितीसकेको उज्वेकिस्तानको ६ अंक छ ।
समान ६ अंक जोड्दा २ हार र १ जित हात पारेको कम्बोडिया दोस्रो स्थानमा छ । पुछारको चाइनिज ताईपे अंक विहिन छ । यसै समूहको अन्तिम खेलमा आज पौने ५ बजे चाइनिज ताईपे र उज्वेकिस्तान प्रतिस्पर्धा गर्ने छन् ।
