काठमाडौं । बेलायतका ज्याक ड्रेपर यूएस ओपन ग्रान्ड स्लाम टेनिसको सेमिफाइनलमा प्रवेश गरेका छन् । आर्थर एसे स्टेडियममा एलेक्स डे मिनौरलाई सोझो सेटमा पराजित गरेका ड्रेपर पहिलो पटक कुनै पनि ग्रान्ड स्लाम टेनिसको सेमिफाइनलमा पुगेका हुन् ।
२२ वर्षीय ड्रेपरले पहिलो सेटमा ६-३ को सहज नतिजा हात पारेपनि दोस्रो सेटमा केही चुनौतीको सामना गर्नु पर्यो । तर दोस्रो सेट ७-५ ले जितेपछि ज्याकले डे मिनौरलाई पुनरागमनको अवसर पनि दिएनन् ।
तेस्रो सेटमा ६-२ को जित हात पारेका ज्याक पहिलो पटक कुनै पनि मेजर प्रतियोगिताको सेमिफाइनलमा प्रवेश गर्न सफल भए । ज्याकले शुक्रबार हुने सेमिफाइनलमा विश्व नम्बर एक यान्निक सिन्नर र २०२१ च्याम्पियन ड्यानिल मेदवेदेवबीचको विजेतासँग खेल्ने छन् ।
