काठमाडौं । आईसीसी विश्वकप क्रिकेट लिग टुअन्तर्गत त्रिकोणात्मक सिरिजको अन्तिम खेलमा नेपाल दुई विकेटले विजयी भएको छ । लिगमा लगातार चौथो जित हासिल गर्नमा कप्तान रोहितकुमार पौडेल नायक बनेका छन् ।
उनले स्कटल्यान्ड, नामिबिया र नेपाल सम्मिलित त्रिकोणात्मक शृंखला जितेपछि नेपाली टोलीका कप्तान पौडेलले अभ्यस्त पिचबाट नेपाली टोलीले सफलता निकालेको प्रतिक्रिया दिएका छन् ।
कीर्तिपुरस्थित त्रिभुवन विश्वविद्यालयको मैदानमा सम्पन्न शृंखलाको अन्तिम खेलमा नेपालले च्याम्पियन स्कटल्यान्डमाथि २ विकेटको रोमाञ्चक जितपछि नायक बनेका कप्तान पौडेलले करणकेसीसँग अविजित ७५ रनको साझेदारीमार्फत टोलीलाई जित दिलाएका थिए ।
कप्तान रोहित एक सय एक बलमा ९५ रन बनाए । उनले सात चौका र चार छक्का प्रहार गरे । रोहितले कप्तानी पारी खेल्दै ५४ बलमा चार चौका र दुई छक्काको मद्दतमा अर्धशतक पूरा गरेका थिए । रोहितको एक दिवसीय सातौं अर्धशतक हो ।
खेलमा म्यान अफ दी म्याच पनि रोहित नै भए । हेरौं जितपछि मैदानमा रोहितका प्रफुल्लित ७ मुद्रा :
.png)
.png)
थप :
अभ्यस्त पिचका कारण सफलता पायौं : कप्तान पौडेल
आईसीसी विश्वकप क्रिकेट लिग टु : घरेलु मैदानमा नेपालको लगातार चौथो जित, स्कटल्यान्ड २ विकेटले पराजित
आजको खेलमा पनि स्कटल्यान्डका खेलाडीले सन्दीपसँग हात मिलाएनन्
.jpg&w=400&height=300)
