काठमाडौं । चीनका लागि नेपाल राजदूत डा. कृष्णप्रसाद ओलीले चिनियाँ राष्ट्रपति सी चिनफिङ समक्ष ओहदाको प्रमाणपत्र पेश गर्नु भएको छ । हिजो बेइजिङस्थित ग्रेट हल अफ द पिपलमा आयोजित एक विशेष समारोहबीच राजदूत ओलीले ओहदाको प्रमाणपत्र पेश गर्नु भएको हो ।
२९ देशका राजदूतका लागि आयोजित कार्यक्रमलाई सम्बोधन गर्दै राष्ट्रपति सीले चीनमा उहाँहरूको कार्यकाल सफल होस् भनेर शुभकामना समेत दिनुभयो । कार्यक्रममा चिनियाँ विदेशमन्त्री वाङ यी, विदेश मामिला सहायकमन्त्री लगायत उपस्थित हुनु हुन्थ्यो ।
