काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले पार्टीभित्र मतभेद नभएको दोहोर्याउनु भएको छ । अखिल नेपाल महिला संघ समाजवादीले आज काठमाडौंमा आयोजना गरेको कार्यक्रममा बोल्नु हुँदै अध्यक्ष नेपालले आगामी महाधिवेशनमा प्रस्तुत हुने प्रतिवेदन सामुहिकताको आधारमा तय भएकाले नेतृत्व समेत सहमतिको आधारमा चयन हुने बताउनुभयो ।
उहाँले विचारमा मतभेद नभएकाले पार्टी सामुहिकताको आधारमा दस्तावेजहरुलाई थप मजबुद बनाउन आफूहरु सक्रिय रहेको बताउनुभयो । अध्यक्ष नेपालले मुलुकलाई समाजवादी बाटोमा दृढतापूर्वक अघि बढाउनका लागि आफूहरुले समाजवादी मोर्चा निर्माण गरेर अघि बढेको पनि स्पष्ट पार्नुभयो ।