.png&w=1000&height=550)
पाल्पा । दुई निर्वाचन क्षेत्र रहेको पाल्पामा निर्वाचन प्रहरीका लागि सदरमुकाम तानसेन र रामपुरमा तालिम सुरू भएको छ ।
आगामी फागुन २१ गते हुने प्रतिनिधि सभा निर्वाचनको आवश्यक सुरक्षा व्यवस्थाका लागि आवश्यक निर्वाचन प्रहरीको लागि तानसेनको श्रीनगरडाँडामा ११ समूह, सशस्त्र प्रहरी बल नेपाल गुल्म नं. ३५ र इलाका प्रहरी कार्यालय रामपुरमा तीन समूहमा तालिम सुरू भएको हो ।
पाल्पा जिल्लाभर एक हजार ५९७ जना निर्वाचन प्रहरीको लागि १० दिने तालिम दिन थालिएको जिल्ला प्रहरी कार्यालय पाल्पाका सूचना अधिकारी होमप्रकाश चौधरीले जानकारी दिनुभएको छ ।
