रामेछाप । जिल्लाको उच्च पहाडी क्षेत्रमा हिमपातसहित असिना पानी परेको छ ।
पर्यटकीय क्षेत्र शैलुङ सहित उमाकुण्ड गाउँपालिकाको उच्च भेगमा शनिबार साँझबाट हिमपातसहित असिना पानी परेको हो । मकै छर्ने बेलामा वर्षा भएपछि किसान खुसी भएका छन् ।
अहिलेको हिमपात तथा असिना पानीले उच्च भेगका किसानहरूलाई ठूलो राहत भएको उमाकुण्ड गाउँपालिका-५ प्रीतिका मणिराज सुनुवारले बताउनुभयो ।
उहाँका अनुसार मकै छर्ने बेला भएको र आलु कृषकलाई पनि यो पानीले ठूलो राहत मिलेको छ ।
