लमजुङ । दूधपोखरी गाउँपालिकाकी पूर्व अध्यक्ष छुपिमाया गुरुङको निधन भएको छ । ५८ वर्षीया गुरुङको गए राति निधन भएको हो ।
क्यान्सर रोगको उपचार गराउँदै आउनु भएकी गुरुङको सोमबार भरतपुर क्यान्सर अस्पताल लैजाने क्रममा राति साढे २ बजे बाटोमै निधन भएको परिवारले जनाएको छ ।
गुरुङ २०७४ सालको स्थानीय तहको निर्वाचनमा नेपाली कांग्रेसबाट गाउँपालिका अध्यक्षमा निर्वाचित हुनु भएको थियो । दूधपोखरी गाउँपालिका-५ कोल्की घर भएकी गुरुङ लामो समयदेखि राजनीतिमा सक्रिय हुनुहुन्थ्यो । गुरुङ नेपाली काङ्ग्रेसको महासमिति सदस्य एवं गण्डकी प्रदेश कमिटी सदस्य हुनुहुन्थ्यो ।
गुरुङको निधनप्रति नेपाली कांग्रेस लमजुङले दुःख व्यक्त गरेको छ । सामाजिक र राजनीतिक काममै सक्रिय रहँँदै आउनु भएकी गुरुङ अविवाहित हुनुहुन्थ्यो ।
