काठमाडौं । कालिगण्डकी करिडोर अन्तर्गत पूर्वी नवलपरासी खण्डमा पहिरो खस्दा तीन स्थानमा सडक अवरुद्ध भएको छ ।
वर्षाको कारण पहिरो जाँदा शुक्रबार बिहानबाट नै सडक अवरुद्ध भएको प्रहरीले जनाएको छ ।
गैडाकोट नगरपालिका-३ ढोडेनीमा लेदो सहितको पहिरो खस्दा सडक अवरुद्ध भएको हो । बुलिङटार गाउँपालिका-१ मते डाँडामा पनि पहिरो खसेको छ ।
यता बौदीकाली गाउँपालिका-३, स्थित जन्ति पहिरोमा वर्षाका कारण लेदो सहितको पहिरो खस्दा डेढगाउं-पाल्पा रामपुर सडक पूर्ण रुपमा बन्द भएको छ ।
तीन स्थानमा गएको पहिरो सडक विभाग सँगको सहकार्यमा पन्छाउने प्रयास भएपनी अहिले सम्म पहिरो हटाईएको छैन् । यसले गर्दा नवलपरासीको गैडाकोट , दलदले , कावासोती , अरुणखोला लगाएतको क्षेत्रबाट पहाडी भेगमा संचालन हुने यातायात संचालनमा असहज भएको छ भने करिडोर हुँदै पाल्पा जाने यात्रु पनि मर्कामा परेका छन् ।
