गोरखा । कान्तिपुर टेलिभिजनका गोरखा संवाददाता भीमलाल श्रेष्ठ सम्मानित भएका छन् । अन्तर्राष्ट्रिय युवा दिवसको सन्दर्भमा राष्ट्रिय युवा परिषद् र रिटर्नी माइग्रेन्ट नेपालले संयुक्त रुपमा गोरखा सदरमुकाममा संवाददता श्रेष्ठलाई सम्मानित गरेको हो ।
पत्रकारिताको माध्यमबाट आप्रवासी कामदारको सवालमा योगदान गरेको कदरस्वरुप श्रेष्ठसहित गोरखाका अनलाइन खबर सम्वाददाता विकास मरहट्ठालाई पनि सम्मानित गरियो ।
सोही कार्यक्रममा खेलकुदको क्षेत्रमा योगदान गर्ने युवाहरु करातेका मक्करबहादुर गुरुङ्ग, जुडोका होमबहादुर थापा, भारत्तोलनका रामकुमार श्रेष्ठ, स्क्वासका अमृत थापा मगर र सितेरियो करातेका बुद्ध लामा पनि सम्मानित भए । यसैगरी, वैदेशिक रोजगारीबाट देश फर्किएर उद्यम गरिरहेका रिटर्नीहरुलाई पनि सम्मान गरियो । गोरखा नगरपालिकाका मेयर कृष्णबहादुर रानामगरले सम्मानितहरुलाई दोसल्ला र कदरपत्र प्रदान गर्नु भयो ।
