काठमाडौं । नेकपा एमालेले ११औं महाधिवेशनका लागि शनिबार देशैभरी प्रतिनिधि छनोट गर्दैछ ।
कतिपय जिल्लामा सर्व-सहमति भए पनि अधिकांश जिल्लामा भने निर्वाचनमार्फत प्रतिनिधि चयन गर्न लागिएको हो । एमाले केन्द्रीय कार्यालयका अनुसार प्रतिनिधि छनोटका लागि ११ गते सबै निर्वाचन क्षेत्रमा उम्मेदवारी मनोनयन भइसकेको छ । सहमति नजुटेका क्षेत्रहरूमा शनिबार बिहान ८ बजेदेखि निर्वाचन सुरू भएको छ ।
निर्वाचनको समयमा अधिकांश क्षेत्रमा दिउँसो २ बजेसम्म राखिएको छ । विभिन्न जिल्लाले अनुकूलताअनुसार मतदानको समय तय गरेको केन्द्रीय प्रचार तथा प्रकाशन विभाग प्रमुख राजेन्द्र गौतमले जानकारी दिनुभयो । उहाँकाअनुसार संघीय निर्वाचन क्षेत्रबाट खुला, महिला, दलित तथा युवाहरूसहित करिब दुई हजार प्रतिनिधि छनोट हुँदैछन् ।
यस्तै प्रवास, जनसंगठन र विभागहरूबाट करिब एक सय प्रतिनिधि छनोट हुनेछन् । मंसिर २७ देखि २९ गतेसम्म हुने एमाले महाधिवेशनमा करिब २२ सय प्रतिनिधि सहभागी हुनेछन् ।
.png&w=400&height=300)
