पाल्पा । फागुन २१ गते हुने निर्वाचनका लागि नयाँ मतदाता नामावली संकलनको समय सीमा सकिन लाग्दा पाल्पामा नयाँ मतदाता थपिने बढेका छन् ।
निर्वाचन कार्यालय पाल्पामा तीन दिनयता सेवाग्राहीको भीड बढेको हो । १० स्थानीय तह रहेको पाल्पा तानसेनस्थित निर्वाचन कार्यलयबाट मात्रै फोटो खिचाउने भएकाले सेवाग्राहीले दुःखसमेत पाएका छन् । अनलाइन रजिष्ट्रर नगरेका सेवाग्राही बढी आएकाले पनि भीड बढेको कार्यालयले जनाएको छ ।
नयाँ मतदाता नामावली दर्ता गराउन आउने अधिकांश जेन-जी उमेर समूहका रहेका छन् । निर्वाचन कार्यालयले मतदाता नामावली संकलन, नामावलीमा रहेको त्रुटि सच्याउने, नामावलीको नामसारी गर्ने कार्यलाई तीव्रता दिएको जनाएको छ ।
