हेटौंडा/ नेपाली कांग्रेसको शुभेच्छुक संस्था नेपाल शिक्षक संघ बागमती प्रदेश समितिले प्रदेश सरकारलाई ९ बुँदे सुझावपत्र पेश गरेको छ ।
संघको प्रदेश समितिले शुक्रबार हेटौंडामा आयोजना गरेको समसामयिक शैक्षिक अन्तरक्रिया कार्यक्रममा प्रदेश समितिका अध्यक्ष दिपक सिम्खडाले मुख्यमन्त्री इन्द्रबहादुर बानियाँ र सामाजिक विकास मन्त्री कन्चनचन्द्र बादेलाई सुझाव पत्र पेश गर्नुभएको हो।
शिक्षामा कम्तिमा २० प्रतिशत बजेट विनियोजन गर्नुपर्ने, स्कुल बस सहयोग कार्यक्रमलाई प्रभावकारी बनाउनुपर्ने लगायतका विषय सुझाव पत्रमा पेश गरिएको छ । 'बालबालिका विद्यालय पठाऔं, सिकाऔं टिकाऔं र बिकाऔं' भन्ने अवधारणालाई अभियानका रुपमा सञ्चालन गर्नुपर्नेमा पनि जोड दिइएको छ ।
सुझाव पत्र लिंदै मुख्यमन्त्री बानियाँले डिजिटलाइजेशनको अहिलेको युगमा विद्यार्थीहरुलाई परिमार्जित गर्दै आफु पनि परिमार्जित हुन शिक्षकहरुलाई आग्रह गर्नुभयो ।
