पर्वत । पर्वतको लाङ्दीमा पहिरामा घर पुरिँदा दुई जना बेपत्ता भएका छन् ।
मोदी गाउँपालिका–३ देउरालीको लाङ्दीमा वृद्ध दम्पती बेपत्ता भएका हुन् । गएराति आएको पहिरोले एकतले घर पुरिँदा ७६ वर्षीय छविलाल विश्वकर्मा र उनकी श्रीमती ७६ वर्षीय विष्णुमती बेपत्ता भएको जनप्रतिनिधिले जनाएका छन् ।
विश्वकर्माकी बुहारी ३२ वर्षीय पवित्रा भने पहिरो खस्नासाथ हम्फालेर बच्न सफल भएको बताइएको छ । स्थानीयले उद्धारकार्य जारी राखेका छन् ।
गएरातिदेखि पर्वतलगायत आसपासका क्षेत्रमा भीषण वर्षा भइरहेको छ । यस क्षेत्रका खोला तथा नदीहरूमा समेत बहाव उच्च भइरहेको छ ।
