सिन्धुपाल्चोक । सिन्धुपाल्चोकको भोटेकोशी गाउँपालिका अन्तरगत चीनसँग जोडिएको गौरीशंकर संरक्षण क्षेत्रमा लागेको डढेलो ४ दिन बितिसक्दा समेत नियन्त्रणमा आउन सकेको छैन ।
डढेलोका कारण संरक्षणक्षेत्र नजिकको राङबुसा गाउँ जोखिममा परेको छ । सेना परिचालन गरे पनि डढेलो नियन्त्रणमा आउन सकेको छैन ।
शुक्रबारदेखि लागेको आगो निभाउन हेलिकोप्टर प्रयोग गरिए पनि जंगलमा आगो दन्किरहेको छ । भोटेकोशी गाँउपालिकाका अध्यक्ष पासाङनुर्पु शेर्पाका अनुसार आगोले त्यसक्षेत्रमा रहेको चौरी गोठ जलेको खबर आएको छ । तर क्षतिको विवरण भने आउन बाँकी रहेको उहाँको भनाइ छ ।
