सङ्खुवासभा । सङ्खुवासभाको चैनपुर नगरपालिका–११ खहरेस्थित अरुण नदीमा पूजा गर्ने क्रममा एक जना बेपत्ता भएका छन् । चैनपुर–११ कुइबिरका ४८ वर्षीय गजेन्द्र जिमी बेपत्ता हुनु भएका जिल्ला प्रहरी कार्यालय सङ्खुवासभाका प्रहरी निरीक्षक रामकुमार लामिछानेले बताउनु भयो ।
शनिबार दिउँसो चैनपुर–११ खहरेस्थित अरुण नदीमा पूजा गर्ने क्रममा चिप्लिएर जिमी बेपत्ता हुनु भएको प्रहरी निरीक्षक लामिछानेले बताउनु भयो । सशस्त्र प्रहरी, प्रहरी र स्थानीयले जिमीको खोजीकार्य जारी राखेको जिल्ला प्रहरी कार्यालय सङ्खुवासभाले जनाएको छ ।
प्रत्यक्षदर्शीका अनुसार गजेन्द्र अरुण नदीमा पूजा शुरू गरे लगत्तै नदीमा चिप्लिएर बेपत्ता हुनु भएको थियो । जिमी परिवारका ६ जना सहित शनिबार अरुण नदी पुग्नु भएको थियो । शनिबार साँझसम्म पनि जिमीको शव फेला पर्न नसकेको जिल्ला प्रहरी कार्यालयले जनाएको छ ।
