भक्तपुर । भक्तपुरको सूर्यविनायक नगरपालिका वडा नम्बर ८ को विभिन्न ठाउँमा खसेको पहिरो पन्छाउन अझै तीन दिन लाग्ने भएको छ ।
आजदेखि काम थालेको स्थानीय सरकारले पहिरो पन्छाउन तीन दिन लाग्ने जनाएको हो । सूर्यविनायकस्थित पर्यटकीयस्थल घ्याम्पे डाँडामा छुट्टि मनाउन गएका तीन सय भन्दा बढी आन्तरिक पर्यटक पहिरोका कारण त्यहाँ फसेका छन् । नगरपालिकाले दुई वटा डोजर लगाएर पहिरो पन्छाइरहेको छ ।
त्यस्तै हिजो हनुमन्ते खोलामा अएको बाढीका कारण डुबानमा परेका राधेराधे, जगाती क्षेत्रको सफाइमा आज बिहानैदेखि स्थानीयबासी जुटेका छन् । राधेराधे क्षेत्रमा अहिले मेसिनले तानेर पानी निकालिँदैछ ।
भक्तपुरमा हिजो हिरोमा पुरिएर आसापुरीमा दुई र पालासेमा गर्भवतीसहित तीन गरी पाँच जनाको मृत्यु भएको थियो ।