काठमाडौं । झ्याप्लेखोलाको पहिरोले नागढुंगा-मुग्लिन सडक खण्ड अवरुद्ध छ । सडक अवरुद्ध भएपछि सयौं सवारी साधन रोकिएका छन् ।
यसैबीच, एम्बुलेन्स तथा अत्यावश्यक वस्तु बोकेका सवारीसाधनलाई भने नागढुंगा सुरुङमार्गबाट पठाउन थालिएको छ । सवारीसाधनको चाप बढेपछि अत्यावश्य साधनलाई भने सुरुङमार्ग प्रयोग गर्न खुला गरिएको प्रहरीले जनाएको छ ।
झ्याप्लेखोलामा पहिरोमा परेका सवारी साधनमा परेका यात्रुको उद्धारकार्य जारी छ । हालसम्म झ्याप्लेखोला पहिरोबाट ३५ जनाको शव निकालिएको छ ।
