काभ्रे । काभ्रेमा अविरल बर्षाका कारण पहिरोमा पुरिएर एक जनाको मृत्यु भएको छ । काभ्रेको बेथानचोक गाउँपालिका-५ च्याल्टीमा पहिरोमा पुरिएर ४५ वर्षीय प्रेम बहादुर वाइबा मृत्यु भएको छ ।
बेथानचोक-५ मै रहेको साजीखोल्सा तरेर जाँदै गर्दा माथिबाट आएको पहिरोले पुरेर वाइबाको मृत्यु भएको वडाध्यक्ष राज कुमार वाइबाले बताउनु भयो ।
उहाँका अनुसार घटना स्थलमा अहिले प्रहरी पुगेर अनुसन्धान गरिरहेको छ ।
