गोरखा । सुपर त्रिशूली हाइड्रोपावरको एउटा टिपर त्रिशूलीले बगाएको छ ।
गोरखाको गण्डकी गाउँपालिका १ बुट्टार र चितवनको इच्छाकामना ३ स्थित निर्माणाधीन १०० मेगावटको सुपर त्रिशूली हाइड्रो पावरको निर्माणको कामका लागि नदीको धार परिवर्तन गर्न काम गरिरहेका ३ वटा टिपर, दुई वटा स्काभेटर र एक लोडर पानीको बहाव बढेपछि नदीकोबीचमै फसेका हुन् ।
शुक्रबार बिहान ८ बजे पानीको बहाव बढेपछि चालकसहित कामदारहरुलाई सो स्थानबाट सुरक्षित रुपमा उद्धार गरिएको छ । चितवन तर्फबाट गोरखातर्फ नदीको धार परिवर्तन गर्ने काम भइरहेको थियो ।