काठमाडौं । न्याय परिषद्ले नृपध्वज निरौला र नित्यानन्द पाण्डेलाई सर्वोच्च अदालतको न्यायाधीशमा सिफारिस गरेको छ ।
परिषद्को आजको बैठकले उच्च अदालत पाटनका मुख्य न्यायाधीश निरौला र उच्च अदालत तुलसीपुरका मुख्यन्यायाधीश पाण्डेलाई सिफारिस गर्ने निर्णय गरेको हो ।
परिषद् बैठक बसिरहँदा नेपाल बार एसोसिएसनले विरोध स्वरुप धर्ना दिएको थियो । न्याय परिषद् नियमावली खारेजीको माग गर्दै बारले आन्दोलन गर्दै आएको छ ।
