काठमाडौं । सरकारले आगामी भदौ महिनाभित्रै नयाँ युवा नीति जारी गर्ने तयारी गरेको छ ।
युवा दिवसका अवसरमा काठमाडौंमा आज आयोजित सम्मेलनमा राष्ट्रपति रामचन्द्र पौडेलले सूचना प्रविधिको विकास तथा बदलिँदो सामाजिक परिवेशअनुसार युवाका आवश्यकता र भावनालाई सम्वोधन गरी नयाँ नीति ल्याउनुपर्ने बताउनुभयो ।
त्यसै अवसरमा युवा तथा खेलकुदमन्त्री तेजुलाल चौधरीले राष्ट्रिय युवा नीति, २०८१ भदौ महिनाभित्रै जारी गर्ने प्रतिवद्धता व्यक्त गर्नुभयो ।
समृद्ध नेपालका लागि युवा र प्रविधिको उत्तम प्रयोग गर्न सक्नुपर्ने मन्त्री चौधरीको भनाइ छ ।
