काठमाडौं । सरकारको नीति तथा कार्यक्रममाथि प्रतिनिधिसभामा उठेका प्रश्नको प्रधानमन्त्री पुष्पकमल दाहालले आज जवाफ दिँदै छन् ।
प्रतिनिधिसभा बैठक अहिले ११ बजेका लागि तय भएको छ । प्रधानमन्त्रीले जवाफ दिएपछि नीति तथा कार्यक्रम पारित गर्न आजै सदनमा प्रस्ताव गर्ने तयारी छ ।
सरकारले जेठ १५ मा बजेट ल्याउँदै छ । बजेटमा समावेश हुने विषय नीति तथा कार्यक्रममा प्रस्तुत गर्ने गरिन्छ । सरकारले जेठ पाँच गते नीति तथा कार्यक्रम संसद्मा पेस गरेको थियो ।
सांसदहरूले चुरे दोहन गरी ढुङ्गा गिटी बिक्री गर्ने, सरकारी खर्च कटौतीका लागि अनावश्यक कार्यालय गाभ्ने र सरकारका केही सामाजिक कार्यक्रम संशोधन गर्न लागेका विषयमा प्रश्न उठाएका थिए । एमालेसहितका विपक्षले नीति तथा कार्यक्रमको विरोध गरेका छन् । सत्ता पक्षका सांसदले बचाउ गरेका छन् ।
नीति तथा कार्यक्रम पास भएपछि सम्पूर्ण ध्यान बजेट निर्माण र प्रधानमन्त्रीको भारत भ्रमणमा केन्द्रित गर्ने सरकारको तयारी छ ।
यो पनि पढ्नुहोस् :-