स्थानीय तहको निर्वाचनमा गठबन्ध बनाएर होस् वा एक्लाएक्लै चुनावी मैदानमा उत्रेका ठूला राजनीतिक पार्टी ग्रामिण क्षेत्रलाई भन्दा पनि नेपालगन्ज उपमहानगरको निर्वाचनलाई राजनीतिक प्रतिष्ठाको बिषय बनाएका छन् । पश्चिम नेपालको प्रमुख सहर भएकाले पनि यहाा हुने हारजितले संघीय संसदको निर्वाचनको प्रारम्भिक खाका समेत निधारण गर्नेछ ।
बाँकेको नेपालगञ्ज उपमहानगर पालिकाका उम्मेद्वारहरु जसरी पनि जित्ने दाउमा छन् । विकासका सपना बढेर होस वा आर्थिक प्रलोभन दिएर नै किन नहोस् मतदातालाई झुक्याउन र फकाउन अनेकौ हथकण्डा अपनाइने गरेको उम्मेदवारहरु नै स्वीकार गर्छन् ।
चुनावी दौडमा नेपालगन्ज उपमहानरभित्र त्रिपक्षीय प्रतिष्पर्धा देखिन्छ । सत्ता साझेदार पाँच दलीय गठबन्धनका उम्मेदवारबिरुद्ध एक्ला एक्लै चुनावी मैदानमा उत्रेका एमाले र राप्रपाका उम्मेदवार चुनौतिका रुपमा देखिएका छन् ।
२०७४ को स्थानीय तह निर्वाचनको मतभार हेर्दा नेपालगन्ज उपमहानगरको प्रमुखमा राप्रपा सबैभन्दा धेरै १२ हजार ५ सय १५ मत प्राप्त गरेको पार्टी हो । त्यति बेला काँग्रेसले ८ हजार ७ सय ३० मत प्राप्त गरेको थियो । ७ हजार एकसय ९८ मत प्राप्त गर्ने माओवादी केन्द्र तेस्रो र ६ हजार ९ सय ६५ मत पाएको एमाले चौथो बन्यो ।
२०७४ को निर्वाचनमा संघीय समाजवादी फोरम नेपालबाट उपमहानरको प्रमुख पदका उम्मेदवार कमरुद्धिन राईले ५ हजार ६ सय ४२ मत ल्याएका राइ जसपाबाट अहिले पनि उपप्रमुखका प्रत्याशी बनेका छन् ।