काठमाडौं । अधिवक्ता ओमप्रकाश अर्यालले गिरीबन्धु टी-स्टेटको जग्गा सट्टापट्टा प्रकरणमा अख्तियार दुरुपयोग अनुसन्धान आयोगले छानिबन गर्नुपर्ने बताउनुभएको छ ।
सरकारी सम्पत्तीको हानी नोक्सानी गर्ने बदनियत देखिएकाले थप अनुसन्धान आवश्यक रहेको अर्यालको भनाइ छ । जग्गा किनेर ठगिएकाहरुले उजुरी दिनुपर्ने र त्यसमा प्रहरीले पनि छानबिन गर्नुपर्ने उहाँको सुझाव छ ।
गिरीबन्धु टी-स्टेटको जग्गा सट्टापट्टा गर्न दिने तत्कालीन सरकारको निर्णयविरुद्ध अधिवक्ता अर्यालले दायर गरेको रिटमा फैसला गर्दै सर्वोच्च अदालतले सरकारको उक्त निर्णय नै बदर गरिदिएको थियो ।
