मस्को । युक्रेनमा जारी युद्धमा अपेक्षित नतिजा निकाल्न नसकेको रुसले सन् २०२३ देखि २०२६ को अवधिमा सैन्य क्षेत्रमा ठूलो परिवर्तन ल्याउने घोषणा गरेको छ ।
गत हप्ता सैन्य जनरल भ्यालेरी जेरासिमोभलाई युक्रेन युद्धको जिम्मेवारी दिएसँगै रुसले यस्तो घोषणा गरेको हो । रक्षा मन्त्री सर्गेइ शोइगुले सैन्य संरचनामा परिवर्तन गर्ने, प्रशासनिक सुधार गर्ने र मस्को सशस्त्र सेना तथा लेनिनग्राड सैन्य क्षेत्रलाई नयाँ रुप दिने बताए ।
पश्चिमी मुलुकहरुले युक्रेनको नाममा रुसमाथि गरेको प्रोक्सी वारका कारण परिवर्तन जरुरी भएको क्रेमलिन प्रवक्ता डिमिट्री पेस्कोभले बताएका छन् । गत फेब्रुअरीमा युद्ध सुरु भएयता अमेरिका र बेलायत लगायत मुलुकले युक्रेनलाई अर्बौको हतियार दिएका छन् । रुसी रक्षा मन्त्रालयले डिसेम्बरमा आफ्नो सैन्य क्षमता १५ लाख बनाउने प्रतिबद्धता जनाएको थियो ।
गत शुक्रबार रुसले युक्रेनको दोनेत्स्कस्थित सोलेदार शहर कब्जा गरेको दाबी गरेको थियो । जसलाई युक्रेनले खण्डन गर्दै आएको छ ।
.png&w=400&height=300)
