युरोपेली जहाज निर्माणता कम्पनी एयरबसले आफ्ना हजारौं विमानहरूमा तत्काल परिमार्जन गर्न अनुरोध गरेपछि उडानहरू अवरुद्ध हुने चेतावनी दिइएको छ।
सूर्यबाट निस्कने तीव्र विकिरणले उडान नियन्त्रणका लागि महत्त्वपूर्ण डाटालाई नष्ट पार्नसक्ने पत्ता लागेपछि यो विमानहरूमा परिमार्जन गर्नुपर्ने भएको हो ।
झण्डै ६ हजार विमानहरूको सफ्टवेर परिमार्जन गर्नुपर्ने भएको अन्तर्राष्ट्रिय सञ्चारमाध्यमहरूले जनाएका छन् । यो सङ्ख्या एयरबसको विश्वव्यापी उडानको लगभग आधा हो । एयरबसले धेरैजसोले विमानमा साधारण सफ्टवेयर अपडेट गरेरै समस्याको समाधान हुने प्रष्ट पारेको छ ।
यसैबीच बेलायतको उड्डयन नियामकले विमानको नियमित उडानमा केही अवरोध र उडानहरू रद्द हुने सम्भावना रहेको बताएको छ।
अमेरिकन एयरलाइन्स, डेल्टा एयरलाइन्स, एयर इन्डिया, विज एयर र एयर न्यूजिल्याण्डले पनि उडानमा अवरोधको चेतावनी दिएका छन्।
एयरबसले आफ्ना ए ३२० विमानहरूलाई विश्वभरका एयरलाइन्सहरूको लागि रोजाइको विमान दाबी गर्छ । १ सय २० देखि २ सय ४४ सिट क्षमताका यी विमानहरूले ५० प्रतिशतसम्म इन्धन किफायत गर्ने दाबी गरिन्छ ।
.png&w=350&height=150)