काठमाडौं । नेपालमा दोस्रो पटक मङ्कीपक्सको बिरामी भेटिएका छ । हालै मात्र साउदी अरेबियाबाट आएका एक व्यक्तिमा मङ्कीपक्स पुष्टि भएको छ ।
स्वास्थ्य सेवा विभाग, इपिडिमियोलोजी तथा रोग नियन्त्रण महाशाखाका निर्देशक यदुचन्द्र घिमिरेले बताएका हुन् । उहाँका अनुसार हालै साउदी अरबबाट फर्किएका करिब ३५ वर्षीय युवामा मङ्कीपक्ससँग मिल्दोजुल्दो लक्षण देखिएपछि टेकुस्थित राष्ट्रिय जनस्वास्थ्य प्रयोगशालामा परीक्षण गर्दा उक्त परीक्षणमा मङ्कीपक्स संक्रमण पुष्टि भएको हो ।
हाल उनको शुक्रराज ट्रपिकल तथा सरुवा रोग अस्पतालमा उपचार भइरहेको र अवस्था सामान्य रहेको बताइएको छ । यसअघि २०८० साल असारमा विदेशबाट आएकी एकजना ६० वर्षीया विदेशी महिलामा मंकिपक्सको संक्रमण देखिएको थियो ।
