काठमाडौं । स्वास्थ्य तथा जनसंख्या मन्त्री मोहनबहादुर बस्नेतले स्वास्थ्य सामग्री खरिद गरी बेवारिसे बनाउने अस्पतालाई कारबाही गर्ने चेतावनी दिएका छन् ।
मन्त्री बस्नेतले आज पत्रकारहरुसँग अन्तर्क्रिया गर्दै देशभरका अस्पतालको अनुगमनलाई चुस्त बनाउने र स्वास्थ्य सामग्री खरिद गरेर प्रयोगविहीन गराएको पाइएमा कारबाही गर्ने बताएका हुन् ।
मन्त्री बस्नेतले अनुगमनका क्रममा स्वास्थ्य सामग्री खरिद गरी दुई वर्षसम्म पनि प्रयोग नगरे फिर्ता लिएर अन्यलाई हस्तान्तरण गर्ने बताए । उनले प्रत्येक अस्पताललाई दुई वर्षको कार्ययोजना बनाएर पेस गर्ने निर्देशन दिएको जानकारी दिए ।
मन्त्री बस्नेतले अस्पतालका आन्तरिक सेवा व्यवस्थापन चुस्त बनाउने र संघीय अस्पतालहरुमा १५ दिनभित्र अनलाइनबाटै टिकट लिन सकिने व्यवस्था गर्ने बताए ।