काठमाडौं । ‘एनआरएन द सिङ्गर’को विजेता बेलायतकी युक्ति विमली बनेकी छन् ।
देशभरबाट छानिएर अन्तिम ५ मा परेका प्रतिस्पर्धीहरूबीच युक्तिले उपाधि चुमेकी हुन् । उनले भर्चुअल माध्यमबाट गीत गाएकी थिइन । युक्तिले नगद ५ लाखसहित ट्रफी प्राप्त गरेकी छिन् ।
त्यस्तै कर्मा दोङ यस सिजनको ‘एनआरएन द सिङ्गर’को दोस्रो भएका छन् । उनी जापानबाट प्रतिनिधित्व गर्छन् । त्यस्तै पोर्चुगलका सुवास बहादुर पुनमगर तेस्रो भएका छन् ।
प्रतियोगीमध्ये दोस्रो हुनेले २ लाख र तेस्रो हुनेले एक लाखसहित ट्रफी पाएका छन् । विजेताहरूलाई प्रमुख अतिथि सुदन किरातीले पुरस्कार हस्तान्तरण गरे । प्रतियोगितामा जीवा लामिछाने र उपेन्द्र महतोलगायतको उपस्थिति थियो ।
विदेशमा हुर्किएका नेपालीलाई संस्कार र संस्कृतिसँग जोड्न यो कार्यक्रम आयोजना गरिएको हो ।
