तनहुँ । तनहुँमा क्षेत्र नम्बर १ बाट प्रतिनिधिसभा सदस्यमा राष्ट्रिय स्वतन्त्र पार्टीका स्वर्णिम वाग्ले विजयी भएका छन् । ३४ हजार ९ सय १८ मतका साथ उनी निर्वाचित भएका हुन् ।
प्रतिनिधिसभा सदस्य उपनिर्वाचनअन्तर्गत आइतबार भएको मतदानमा वाग्लेले निकटतम् प्रतिस्पर्धी नेपाली कांग्रेसका गोविन्द भट्टराईलाई १४ हजार ७९६ मतले पछि पारे । भट्टराईले २० हजार १ सय २२ प्राप्त गरे ।
त्यस्तै, नेकपा एमालेका उम्मेद्वार सर्वेन्द्र खनालले ८ हजार ४ सय ८८ मत पाए ।
यस क्षेत्रमा कुल ६५ हजार २९८ मत खसेको थियो । मतगणना सकिएको र उज्यालो भएपछि मात्रै आधिकारिक रुपमा घोषणा गर्ने निर्वाचन आयोगले बताएको छ ।
