काठमाडौं । नेपालमा अझै पनि समावेशी शिक्षाको पूर्ण कार्यान्वयन हुन नसकेकोमा सरोकारवालाहरूले चिन्ता व्यक्त गरेका छन् । शिक्षा मन्त्रालय शिक्षा तथा मानव स्रोत विकास केन्द्रले आयोजना गरेको समावेशी शिक्षाको वर्तमान अवस्था विषयक गोष्ठीमा सहभागीहरूले अपाङ्गता भएका साथै सीमान्तकृत डोम र चमार लगायत समुदायका बालबालिकाहरूलाई अझै पनि समावेशी रूपमा कक्षाकोठामा ल्याउन वातावरण बनाउन नसकेको औल्याएका छन् ।
अझै पनि उनीहरू विद्यालय बाहिरै रहेको र समावेशी शिक्षा दिन ठोस पहलकदमी नपुगेको समेत शिक्षा मन्त्रालय, प्रदेश र स्थानीय तहका प्रतिनिधिहरूको स्वीकारोक्ति छ ।
सबै क्षेत्र र वर्गका बालबालिकालाई समावेशी शिक्षा प्रदान गर्न संघ प्रदेश र स्थानीय गरी तीन वटै सरकारको संयुक्त पहलकदमी आवश्यक रहेको शिक्षा तथा मानव स्रोत विकास केन्द्रका उपमहानिर्देशक हरिप्रसाद निरौलाको भनाइ छ ।
