काठमाडौं । सामुदायिक विद्यालयमा कार्यरत राहत र बाल विकास केन्द्रका शिक्षकहरु आज पनि आन्दोलनमा उत्रिएका छन् ।
शिक्षक महासंघले सरकारसँग गरेको सम्झौतामा आफ्ना माग सम्बोधन नभएको भन्दै उनीहरु आन्दोलनमै छन् ।
राहत, बाल विकास केन्द्र र पेन्सन वञ्चित शिक्षकले पेसागत सुनिश्चितताको माग गर्दै आइतबार पनि माइतीघर केन्द्रित आन्दोलन गरेका हुन् । उनीहरुले ५२ वर्षपछि सरकारले ल्याएको शिक्षा विधेयकमा शिक्षकको हक हितलाई उपेक्षा गरिएको आरोप लगाए ।
बाल विकासलाई विद्यालय संरचनाभित्र ल्याउन पनि उनीहरुले माग गरेका छन् ।