दुई वर्षअघि कानुन विषयको पढाई सुरु गर्दा प्युठान खलंगास्थित महेन्द्र मावि यो विषय अध्यापन गराउने जिल्लाकै पहिलो विद्यालय बनेको थियो । तर अहिले विद्यालयमा यो विषयको पढाई हुँदैन । कारण हो-विद्यार्थी अभाव । कक्षा ११ र १२ मा कानुन विषयको पढाई थाले पनि नयाँ विद्यार्थी नआएपछि विद्यालयले पठनपाठन नै बन्द गर्नुपरेको हो। कृषि बाली विज्ञानको पठनपाठन सुरु गरेको प्यूठान नगरपालिका ९ मरन्ठानास्थित बालबिद्या माविमा पनि यो वर्ष विद्यार्थी अभाव छ । ४० जनाको कोटा रहेको विद्यालयमा हालसम्म १० जना पनि बिद्यार्थी पनि भर्ना भएका छैनन् । पर्याप्त विद्यार्थी भर्ना नभएपछि अहिले विद्यालय उक्त विषयको पठनपाठन गर्ने वा नगर्ने अन्योलमा छ । कम विद्यार्थीमा कक्षा सञ्चालन गर्दा आर्थिक व्ययभार धेरै हुने र त्यसलाइ धान्न नसकिने विद्यालय प्रशासनको भनाइ छ । जिल्लाका अन्य सामुदायीक विद्यालयमा पनि पर्याप्त विद्यार्थी छैनन्, जसले गर्दा बल्लतल्ल सुरु गरेका विषयको पढाई नै रोक्नुपर्ने अवस्था छ । गाउँमा अवसर कम हुने भन्दै बिद्यार्थीहरु सहरकेन्द्रित हु दुर्गमका विद्यालयले विद्यार्थी अभाव बेहोरिरहेका छन् । अर्काेतर्फ विद्यालयहरुसाग दीर्घकालीन योजना नहुादा पनि यस्ता समस्या आउने गरेका छन् । सुविधा र अवसरको खोजीमा सहर छिर्ने विद्यार्थीलाई गाउाकै विद्यालयमा पढ्ने वातावरण सिर्जना गर्न स्थानीय तह र विद्यालयले पहल गर्नु आवश्यक छ ।