नयाँ दिल्ली । नेपाल सरकारले गर्न लागेको तेस्रो लगानी सम्मेलन २०२४ लाई लक्षित गरेर भारतस्थित नेपाली दूतावासले भारतीय लगानीकर्ताको सहभागिता बढाउन उनीहरूसँगको भेटघाट र अन्तर्क्रिया बढाएको छ ।
फरक-फरक क्षेत्रका लगानीकर्ताहरूसँग छुट्टा छुट्टै अन्तर्क्रिया गर्दै आएको दूतावासले आज नयाँ दिल्लीमा ऊर्जा क्षेत्रमा संलग्नहरूलाई नेपालमा लगानी गर्न आग्रह गरेको छ । कार्यक्रममा भारतका लागि नेपालका राजदूत शंकरप्रसाद शर्माले भारतमा ऊर्जाको आवश्यकता रहेको र त्यसको स्रोत नेपालसँग रहेकाले सहकार्यको प्रशस्तै ठाउँ रहेको बताएका छन् ।
कार्यक्रममा स्वतन्त्र ऊर्जा उत्पादकहरूको संस्था -इप्पान का पदाधिकारीहरूले भारतीय लगानीकर्तालाई नेपालीसँगको सहकार्यमा नेपालमा लगानी गर्न समेत आग्रह गरेको छ ।
लगानी सम्मेलन आगामी वैशाख १६ र १७ गते गते काठमाडौंमा हुँदै छ ।
