काठमाडौं । नेपाली बजारमा आज सुनको मूल्य महँगिएको छ ।
नेपाल सुनचाँदी व्यवसायी महासंघकाअनुसार सुनको मूल्य तोलामा पाँच सय रुपैयाँ बढेको छ ।
छापावाल सुन तोलाको एक लाख १६ हजार २ सय रुपैयाँमा कारोबार भइरहेको छ । अघिल्लो दिन हिजो प्रतितोला एक लाख १५ हजार ७ सय रुपैयाँमा किनबेच भएको थियो ।
यस्तै, तेजाबी सुनको मूल्य आज प्रतितोला एक लाख १५ हजार ६५० रुपैयाँ कायम गरिएको छ । हिजो प्रतितोला एक लाख १५ हजार १५० रुपैयाँमा कारोबार भएको थियो । मंसिर महिना लागेयता सुनको मूल्य फेरि उकालो लाग्न थालेको छ ।
आज चाँदी प्रतितोला एक हजार ४५५ रुपैयाँमा किनबेच भइरहेको महासंघले जनाएको छ । अघिल्लो दिन एक हजार ४५० रुपैयाँ मूल्यमा कारोबार भएको थियो ।