काठमाडौं । वासु शशि स्मृति परिषद्ले वरिष्ठ साहित्यकार हीरण्य भोजपुरेलाई ‘वासु शशि साहित्य सम्मान २०७९’ प्रदान गर्ने निर्णय गरेको छ ।
यसैगरी साहित्यकार श्यामललाई नगद २५ हजार रुपैयाँ र सम्मानपत्रसहित ‘वासु शशि साहित्य पुरस्कार २०७९’ प्रदान गर्ने निर्णय गरेको छ । अनुसन्धानकर्ता उप-प्राध्यापक डा. गोपीकृष्ण खतिवडालाई नगद २१ हजार रुपैयाँ र सम्मानपत्रसहित ‘वासु शशि पुरस्कार २०७९’ प्रदान गर्ने निर्णय गरेको छ । परिषद्का अध्यक्ष गणेश रसिकको अध्यक्षतामा बसेको कार्यसमिति बैठकले यस्तो निर्णय गरेको हो ।
वरिष्ठ कवि एवं नाटककार वासु शशिको ८७औं जन्मजयन्तीका अवसरमा आगामी चैत १३ गते आयोजना गरिने कार्यक्रममा सबै सम्मान प्रदान गरिने परिषद्का सचिव प्रधुम्न जोशीद्वारा जारी विज्ञप्तिमा उल्लेख छ ।