काठमाडौं। गीतकार हरिभक्त बुढाथोकीको पुस्तक पसिनाले भिजेको जिन्दगीको आज लोकार्पण गरिएको छ ।
यो आत्मकथामा आधारित कृति हो । यस कृतिमा लेखकले आफूले भोगेको र देखेको जीवनसहित बुढाथोकी वंशावलीका बारेमा समेत उल्लेख गरेका छन् । आठ दशक पार गरिसकेका बुढाथोकी तेह्रथुमका पहिलो नाटककार हुन् ।
त्यसबाहेक उनी ड्राइभिङसम्बन्धी पुस्तकका पहिलो लेखकसमेत हुन । आफ्ना पुराना कृतिलाई पुनर्मुद्रण गर्दै आएका बुढाथोकी रोटरी डिस्ट्रिक्ट गान तथा पतञ्जलि योग गानको रचनाकार हुन ।
उनले साहित्य सिर्जनालाई निरन्तरता दिँदै आएका छन् ।