काठमाडौं । अन्तर्राष्ट्रिय पर्वतीय चलचित्र महोत्सवको बिसौँ संस्करण आजदेखि काठमाडौंमा सुरु भएको छ ।
राष्ट्रिय सभागृहमा सुरु महोत्सवमा भाग लिन विभिन्न देशका १२ जना निर्माता काठमाडौं आएका छन् । महोत्सवमा बलिउड अभिनेता तथा निर्देशक प्रकाश झाले नेपाल र भारतको चलचित्र विकासबारे छलफल गरेका थिए। उनले चलचित्र चल्न कथा र त्यसको प्रस्तुति नै राम्रो हुनुपर्ने बताए।
२६ गतेसम्म चल्ने महोत्सवमा ३० मुलुकका ६० भन्दा बढी चलचित्र प्रदर्शन गरिने छ । सन् २००० देखि सुरु भएको किम्फ महोत्सवमा पर्वत, त्यहाँका बासिन्दा, संस्कृति र वातावरणमाथि बनेका चलचित्र प्रदर्शन गरिन्छन् ।
महोत्सवको पहिलो दिन आज विद्या चापागाईँले निर्माण गरेको ‘बाघको बङ्गारा’ प्रिमियर भएको छ।