कपिलवस्तु । वाणगंगा नगरपालिका-७, स्थित कोइली खोलाले बगाउँदा एक जनाको मृत्यु भएको छ । आइतबार बिहान दाउरा लिन खोलामा गएका बेला स्थानीय ४० वर्षीय लौटन थारुको मृत्यु भएको इलाका प्रहरी कार्यालय पिपराले जनाएको छ ।
राति परेको अविरल वर्षापछि भेलसँगै आउने दाउरा लिन श्रीमान-श्रीमती घर भएको ठाउँ बाणीगाउँ नजिकै रहेको कोइली खाेलामा गएका थिए । श्रीमानले निकालेको दाउरा राख्न श्रीमती घरमा गएका बेला श्रीमानलाई बाढीले बगाएको थियो । बिहान ११ बजेतिर लौटनको शव कपिलधाम नजिकै झाडीमा माछा मार्ने महिलाहरुले देखेपछि प्रहरीलाई खबर गरेका थिए ।