काठमाडौं । नेपालमा जनसङ्ख्या वृद्धिदर ८० वर्ष यताकै कम भएको तथ्यांक सार्वजनिक भएको छ । राष्ट्रिय तथ्यांक कार्यालयले नेपालको जनसङ्ख्या वृद्धिदर शून्य दशमलव ९२ प्रतिशत रहेको जनाएको हो ।
त्यस्तै नेपालीको औसत आयु ७१ दशमलव ३ वर्ष रहेको कार्यालयले जनाएको छ । २०६८ र २०७८ को अवधिमा करिब २७ लाख जनसङ्ख्या बढेको थियो । अब भने वृद्धिमा सङ्कुचन आउने राष्ट्रिय तथ्यांक कार्यालयका उपमहानिर्देशक हेमराज रेग्मीले बताउनुभयो ।
नेपालमा अहिले ६० प्रतिशत एकल तथा ४० प्रतिशत संयुक्त परिवारमा बसोबास गर्दछन् । मधेस प्रदेशमा संयुक्त परिवारको अवधारणा बढी छ ।