काठमाडौं । नेपाल आयल निगमले पेट्रोलियम पदार्थको मूल्य समायोजन गरेको छ । आयल निगमले आज राति १२ बजेदेखि लागू हुनेगरी डिजेल र मट्टितेलको मूल्य प्रतिलिटर २ रुपैयाँले घटाउने निर्णय गरेको छ ।
यसैगरी, निगमले हवाई इन्धनमा भने आन्तरिकतर्फ प्रतिलिटर १ रुपैयाँ र अन्तर्राष्ट्रियतर्फ प्रतिकिलो लिटर ७ डलरले मूल्य बढाएको छ । पेट्रोल र खाना पकाउने एलपी ग्यासको मूल्य भने यथावत कायम गरिएको छ ।
