काठमाडौं । सरकारले अब विदेशी लगानीलाई अनलाइनबाटै स्वीकृति दिने भएको छ ।
तेस्रो लगानी सम्मेलनको अवसर पारेर उद्योग विभागले आजदेखि स्वचालित प्रणाली सञ्चालनमा ल्याएको हो । योसँगै अब विदेशी लगानीकर्ताले विद्युतीय प्रणालीमा आवेदन दिएपछि लगानी स्वीकृति इमेलमार्फत् पाउनेछन् ।
अनलाइनबाट आवश्यक कागजात पेश गरेपछि उद्योग विभागले लगानी स्वीकृति गर्नेछ । इमेलमार्फत् आएको स्वीकृतिका आधारमा लगानीकर्ताले नयाँ कम्पनी स्थापना गर्न सक्नेछन् । यसरी स्वीकृति प्राप्त लगानीकर्ताले ५० करोड रुपैयाँसम्म पूँजी भएका उद्योग व्यवसाय सञ्चालनमा ल्याउन पाउनेछन् । सूचना प्रविधिका क्षेत्रमा भने यस्तो सीमा लागू छैन ।
.jpg&w=400&height=300)
